Historical and biographical narrative about Norwegian explorer, scientist, polymath and humanitarian hero - Fridtjof Nansen and the first inland crossing of Greenland. This narrative is in the Ilocano language. This is third of 4 parts.

EXCERPT:

"... Iti maika-4 ti Agosto, addada iti wangawangan ti Sehested Fjord ket nagdedekket iti nairteng dagidi hielo idiay ngem inkagumaanda ti nangiyar-aramid iti rengngat ken namagsina kadagidi agtatapaw a hielo. Nagpatinggada iti ala-una ti parbangon a nagga-gaud agingga iti dimtengda iti bassit nga isla a managan Uvivak. Nagtultuloy daydi panagbalbalsigda iti hielo a nangwayawaya iti paglasatanda. Daydi napilida a bassit nga isla a nagkampoanda iti sumuno nga aldaw ket naduktalanda a reprep dagiti lamok a nangrim-rimurder kadakuada

Nagpeggad dagiti nagbabaetan dagiti gleysyer ta masansan a marpuog ken agtinnag ti dadakkel a paset ti bagida iti danum. Naglabasda kadagiti fjord ket idi addada iti asideg ti bassit nga isla managan Singiartuarfik, nakasirpatda manen ti kampo dagiti eskimo. Sabali a tribu daydi ta idi immasidegda, dagus a nagtataray nga immadayo dagitoy. Idi nakaasidegda kadagidi tolda dagiti Inuit, awan nabati no di maysa nga aso laeng ti simmabat kadakuada. Ngem pagam-ammoan adda nagin-inut nga immasideg a babai kadakuada. Sinaruno met ti maysa pay daytoy. Nangted ni Nansen iti lata a kas iti daydi intedna iti daydi immuna a tribu a nasarakanda.

Daytoy a tribu ti nakisinnukatanda iti sagut. Inikkan ida dagitoy ti nadaing a karne ti ‘seal’ ket kas pinangsupapakda, nangitedda met iti dagum ken lata. Kadagiti Inuit, napateg ti dagum ken lata a naggapu kadagiti ganggannaet agsipud ta mausarda dagitoy iti panagdaitda iti kawes ken pagan-anayda. Nalaglagda dagitoy nga usarenda ngem dagiti kadawyan a dagumda a naaramid iti tulang.

Iti daydi panagdaldaliasat da Nansen nga agpa-Amianan, adu dagidi nalabsanda a babassit nga isla ken fjord a napaliiw ni Nansen nga awan pay iti daydi mapa nga iggemna. Daydi mapa a pagibasbasaranna iti turongda ket isu ti pagaammona idi a kabaroan a naipablaak. Naduktalanda met ti kaadu dagiti tumatayab nga agumok kadagiti bato ken rangkis iti igid ti danum. Ngem kadagidi a tiempo idi awanen ti masarakanda a tribu nagrugi met nga imparikna dagiti dua a Sami ti panagalusiisda iti daydi panagtultuloyda nga agpa Amianan. Nagrugida a nagar-areng-eng ket saan a nagbayag, nagreklamodan.

Sakbay daydi iluluwasda manipud Kristiania (Oslo ti naganna itan), inkari ni Nansen kadagiti kakaduana nga adunto ti makaanay a makan ken mainom ket mabsogdanto iti inaldaw-aldaw. Ngem kadagidi a panawen, kinasapulanen a mai-rasyon ti taraon. Nagriri ni Balto agsipud ta awan kadakuadan ti napnek a nakakaan manipud nakagtengda iti takdang. Kasta pay a napilitanda a nangibael iti adu a kita ti agkakarigat a trabaho.

Nagpalawag ni Nansen a no manganda nga agpapas iti inaldaw, agpatingganto laeng ti probisyonda agingga iti makagtengda iti gudua ti Greenland. Idiay a tengnga ti puro hielo, awanto ti pangalaanda iti pagbiag malaksid iti balonda. Ket no naibusen ti taraon a balonda uray agbabawidanto, naladawton. Inlaw-lawagna nga agbibingayda iti padapada iti taraonda. Ket no maipanggep met iti daydi pannakaba-baonda, impaganetgetna nga iti kasdi nga ekspedisyon, masapul a maymaysa laeng ti keddeng. Maysa ket maysa laeng, impaganetgetna. (*Idi nakasangpetdan kalpasan daydi nga ekspedisyon, inyeksplika ni Kristiansen a saan a nagipapauneg unay daytoy iti adu agingga iti nabnabsog; no di ket agingga laeng iti paglainganna. "

PLEASE LISTEN TO PODCAST FOR THE FULL AND COMPLETE EPISODE