Aplikimi për licensë arkitekti
Një nga arsye pse e fillova këtë podcast ishte për shkak të pandemise. Sot është e premte dhe pas orës tetë të mbrëmjes nuk mund të dilet në Tiranë kështu që le të fillojmë episodin e rradhës.
Në një nga episodet e mëparshme folëm për vitet e studimit dhe vëndin se ku mund të studjojnë arkitektët. Pas viteve të studimit e bukura është që nuk mund të quhesh akoma një arkitekt. Të paktën nuk mund të quhesh ligjërisht një arkitekt pasi për të firmosur projekte i vetëm në Shqipëri do të duhet të kesh një licencë profesionale arkitekture. Në botë por edhe në Shqipëri ka arkitekt shumë të famshëm që nuk kanë një licencë arkitekture, ka dhe nga ato që nuk kanë studjuar fare për arkitekturë dhe prap veprat e tyre janë në disa nga revistat më të famshme të arkitekturës. Emri më i famshëm i një arkitekti që më vjen ndërmënd i cili nuk ka studjuar për arkitekturë dhe që nuk ka një licencë arkitekti është Tadao Ando. Në këtë episod do flasim për rrugën që duhet ndjekur për të marë një licencë arkitekti në Shqipëri.