هل الحرب بين البشر والذكاء الاصطناعي أمر مفروغ منه؟ فيلم ذا كريتور (الخالق أو الصانع) فيلم خيال علمي جديد عم يطرح نفس السؤال والمعضلات الأخلاقية المتعلقة بالتطوّر والتقنيّة والذكاء الاصطناعي فهل يا ترى كان في شي مختلف مميّز بهذا الفيلم ووين بيجي تصنيفه بين أفلام هي السنة, تقييمنا ومراجعتنا الكاملة بهي الحلقة بالإضافة كالعادة لأهم الأخبار من عالم السينما من إضراب لأعمال مرتقبة وغيرها ومتل ما عودناكم لمحة عن مجموعة أفلام ومسلسلات شاهدناها بالفترة الأخيرة.

تقريباً ثلاثين سنة مضى على عرض أول أفلام سلسلة المهمات المستحيلة من بطولة توم كروز لحتى وصلنا حالياً للجزء السابع فيلم ميشون امبوسيبل ديد ريكونينغ الجزء الأول. فهل يا ترى قدر يتابع النجاح والمستوى المميّز بسلسلة مليئة بالأكشن والتشويق؟ حنعطيكن وجهات نظر مختلفة من خلال رأينا وتقييمنا للفيلم بالإضافة للمحة تاريخية عن سلسلة الأفلام الممتعة وترتيب الأفلام السبعة من الأسوأ للأفضل.

كتير ناس انتقدت وهاجمت فيلم ساوند أوف فريدوم وحذفته من حساباتها حتى من دون ما تعطيه تقييم أو مراجعة عادلة، بس نحن ببودكاست شوفة رح نحاول نشرحلكن كل شي متعلق بالفيلم من جدل صار حوليه وأسباب نجاحه بشباك التذاكر وأكيد رح نعطيكن رأينا الموضوعي وتقييمنا للفيلم من الجوانب الفنيّة وغيرها. بس قبل ما نحكي عن الفيلم خصصنالكن فقرة صغيرة نحكيلكن فيها عن كل المستجدات اللي صارت بإضراب كتّاب هوليوود يلي على ما يبدو وصل لنهايته، بالإضافة لفقرتنا المعتادة اللي بنحكي فيها عن الأفلام والمسلسلات اللي شفناها بالأسبوع الماضي. أقسام الحلقة: 0:00 المقدمة 0:55 نهاية إضراب هوليوود 17:40 أخبار من هذا الأسبوع 21:15 أفلام ومسلسلات الأسبوع الماضي 35:12 ملخص الفيلم دون حرق 38:11 أسباب الجدل حول الفيلم 47:43 أسباب نجاح الفيلم بشباك التذاكر 50:23 مراجعة الفيلم دون حرق 58:47 ملخص ومراجعة الفيلم مع حرق 1:14:35 الخاتمة

مخرجين أخين توأم (داني ومايكل فيليبو) انطلقوا من عالم اليوتيوب ليصنعو فيلم عم يتم عرضه بجميع أنحاء العالم .. خلينا نحكيلكن القصة ورا فيلم الرعب والتشويق توك تو مي ونقدملكن تحليلنا ورأينا وتفسيرنا لأحداث ومعاني واحد من أشهر أفلام هي السنة ونقلكن طبعاً إذا الفيلم شوفة أو لا؟ شو شفنا خلال الاسبوع الماضي من الدقيقة 04:34 مراجعة فيلم توك تو مي بدون حرق من الدقيقة 24:06 مراجعة فيلم توك تو مي مع حرق من الدقيقة 35:25

خلونا بهي الحلقة نتذكر سوى سلسلة أفلام البروفيسور المغامر إنديانا جونز في طريقنا لمراجعة آخر أفلامه يلي هو الجزء الخامس (ويمكن) الأخير، من بطولة هاريسون فورد بدور هي الشخصية، مع فيبي ويلر بريدج، ومادس مكيلسن. كالعادة حنعطيكم رأينا بالفيلم وبعض المعلومات والأرقام المهمة ونحكي سوى شوي على ديزني يلي كانت المسؤولة عن انتاج هذا الفيلم!

حنركز بهي الحلقة على فيلم الدراما الرومانسي الجديد باست لايفز للمخرجة الصاعدة سيلين سونغ وحنقدملكن كالعادة مراجعتنا للفيلم ونعطيكن برأينا الأشياء والقرارات يلي أدت لصنع واحد من أفضل أفلام سنة 2023! فيلم حيشفي غليل كل متابعي السينما يلي عم يعانو من الضجر أو التعب السينمائي من أفلام الانتاجات الضخمة والمعاني الفارغة يلي منتشرة بكل مكان.

حلقة دسمة ومميزة بنحكي فيها عن منصات الستريمينغ المختلفة واللي زاد انتشارها وتوسعها بالعالم بشكل كتير كبير بآخر 5 سنين وتأثيرها على صناعة الأفلام بشكل عام ودورها المباشر بالإضراب الحاصل بهوليوود عند الكتّاب والممثلين. ضيفتنا بالحلقة هي فنانة الأنيمشن ريم علي ديب اللي بتحكي فيها عن تجربتها بعالم الأنيشمن والعمل مع بعض المنصات الرقمية وتأثير الإضىراب اللي صاير عليها وعلى الممثلين والعاملين بمجال الأنيمشن. فيكن تتابعو ريم من خلال الانستغرام : @reemaliadeeb أو تتعرفو على أعمالها السابقة أو تشترو كتابها الجديد والرائع اللي كتبته وصممته بنفسها من خلال موقعها: www.reem.fyi/shop

كان فيلم Spider-Man: Into the Spider-Verse من أفضل أفلام الأنيميشون والسوبرهيروز وقت نزل بعام 2018 وهلق بعد ما نزل الجزء الثاني حنحكيلكن بهي الحلقة عن واحد من أهم السوبرهيروز سبايدرمان ونراجع أحدث أفلام الشخصية فيلم Spider-Man: Across the Spider-Verse ونقلكن أنو كان الأفضل الجزء الأول أو الثاني؟ لمعرفة المزيد عن شخصيات سبايدرمان الموجودة في الفيلم من هنا

لك شو عم يصير بالعالم؟! اضراب كتاب وممثلين؟ شو هي ظاهرة باربينهايمر؟ شو معنى فيلم باربي؟ إذا عندك أي من هل تساؤلات فانت بالمكان الصح لأنو حنجاوب على كلشي ونعطيكن رأينا كالعادة مع لمحة صغيرة عن بعض الأفلام والمسلسلات يلي حضرناها بآخر كم يوم. - الحرق يبدأ من الدقيقة 35:29 - فيديو مقابلة جريتا جرويج والأفلام اللي كان الها تأثير على فيلم باربي

حضرتوا فيلم كريستوفر نولان الجديد "أوبنهايمر" اللي العالم ضايجة فيه؟ خلونا نناقشه ونقيمه مع بعض! - حرق أحداث الفيلم يبدأ من الدقيقة 17:32 Oppenheimer film review

مراجعة سريعة لمسلسل بلاك ميرور ومناقشة وتقييم الموسم السادس ورأينا بكل حلقة - ما حنفوت بتفاصيل الحلقات إلا لبعد الدقيقة العاشرة! رجاءً الانتباه لمين ما حضر الموسم السادس لحد الآن!

مجموعة من أفضل الأفلام التي شاهدناها لحد الآن في 2023 بالإضافة إلى تقييم سريع لمعظمها وآرائنا بشكل عام حول هذه السنة السينمائية.