Special Pärkli-Sound-Effects, zwitscherndi Vögelii, unerwartete Sunneschii und gwünschte Realness. Mir sind Pseudo-Summer-Pärkli-Chillers und diskutieret d Höchs und Tüfs vo soziali Medie; bisch au scho Mal für Social Media  positiv oder negativ beiiflusst worde? Weswege de Ifluss vo soziali Medie doch cha stärchend sii und zu abrasierti Haare und bleichti Augebraue cha füehre wird rege diskutiert. Mir erchläret eu, werum au du regelmässig dis Insta söttsch wie en Chleiderschrank usmiste und was für mediepsychologischi Aspekt au dich betreffet. Die öffentlichi Debatte, weswege studierti Fraue sich doch für es Lebe dihei entscheidet, nimmt dini Lieblingsamigas i dim Ohr sichtbar (hörbar) mit. Ein Grund meh zum am 14. Juni ga schreie.PS: Summer, wenn du chunsch, bliebsch au bitte? Lieb di

Hoi ihr wunderschöne Mensche! Wow, du bisch immerna da oder wieder da? We love you! Bi eusere zweiti Folg teilt Leta es lehrrichs Erlebnis und werum es wichtig isch trotz en Fehler für sich selber izstah und was es für en grosse Unterschied usmacht inere unagnehmi Situation unabhängig vo unchilligi Konsequenze ehrlich mit anderne und mit sich selber z si. Pippa möcht Essstörige enttabuisiere und spricht über ihri persönlichi Erfahrige mit Binge Eating und weswege mer e depressivi Episode ned sell müesse alleige meistere. Die 5 Liebessprachen werdet eruiert und diskutiert, wie zeigsch denn du dini Liebi?

Hoi ihr wunderschöne Mänsche!Scho sit längerem achündet und ein Monat spöter veröffentlicht… Passend zum Wuchenänd und Rägewetter: Bebesitos y Bebesotas, the time has come, we're ready, bitchez! Für eusi ersti Folg diggemer z erscht emal e Rundi deep und wie es bi eus isch, isch s Name s Programm. Du wirsch d Leta und Pippa nöcher kennelerne, echli wirr, unterbrechend und chaotisch für die ersti Folg, aber vor allem au real. Leta teilt e Herzensstory und werum es so wichtig isch eune Liebste immer wieder unter de Nase riebe, dass ihr sie liebet. Mir besprechet albanischi Eltere und wieso Balkan-Kids meh Cash ade Chilbi gha hend und Pippa wird sentimental binre Begegnig mit ere älteri Dame. Für alli Delfin-Lövers da dusse, mir liebet di eze scho, meld di.PS: mir hend kei Cuts und Herumgeschneiderei welle mache, aber werdet di bim nögschte Mal bestimmt es bizlii meh beiidrucke. Gib eus doch Feedback, demit au du bald en Poster neb dim Bett vo eus ufhenke tuesch. Lieb di!