Historical biographical account about the world's greatest physicist in human history and is narrated in Ilocano. This episode is the final episode of the three-part narrative and includes a brief account about his son Eduard and a poem he wrote.

EXCERPT:

"...Manipud MIL NUEBE SIYENTOS BEYNTE NUEBE (1929) agingga iti MIL NUEBE SIYENTOS TRENTA’Y DOS (1932), pagaayat ni Albert ti napnapan nagindeg iti maysa a bassit ken naulimek nga ili a managan Caputh (KA-PUT) idiay asideg ti Brandenburg, Alemanya. Nangipatakder ditoy iti pagtaengan a pagyananna tunggal panawen ti kuwaresma. Naidisso daytoy iti nagbaetan ti dua a danaw ket napalikmutan iti bakir a kapipintasan. Naayat nga apan aglayag daytoy iti bassit a baporna nga inregalo kenkuana dagiti nabaknang a gagayyemna idi nagkasangay iti maika 50 a tawenna. Adda nai-ukit a naganna a “Tummler” ngem binunyagan ni Einstein iti bukodna a nagan – “napuskol a bapor a paglayagan.” Pagaayatna unay ti aglayag a kabukbukodanna bayat iti kaaddana idiay Caputh. Uray pay no saan a makalangoy daytoy. Dagidi a kanito a panagmaymaysana nga aglaylayag ti panagpampanunotna iti nauneg maipapan kadagiti teoriyana isu nga adda latta kanayon nakasagana a pagsuratan ken pluma nga usarenna idiay.

Idi kalgaw ti MIL NUEBE SIYENTOS TREYNTA (1930), bayat ti panaglayagna idiay Caputh, nangisurat iti ‘credo’ (kredo) Insuratna daytoy nga agpaay kadagiti gimong nga agadbokasya iti karbengan ti sangkataoan. Kalpasan daytoy, naipablaak daydi a sinuratna. Napauloan daytoy iti ‘No Ania ti Pammatik,” (What I Believe).

KINUNA NI EINSTEIN:

“Ti kapipintasan nga emosyon nga intay mapadasan ket dayta banag a misteryoso. Isu dayta ti pundamental nga emosyon a nakatakder iti namunganayan ti amin a napaypayso a letras ken siyensa. Iti dayta tao nga estranghero daytoy a karirikna kenkuana, dayta a tao a saanen a masdaaw ken saanen nga agayat nga agsiddaaw, ket arignan ti natay, kaslan napuyotan a kandela. Tapno riknaen nga iti likud ti aniaman a mapadasan ket adda banag a di-magaw-at nga awaten ti panunot tayo, banag a ti saguday ken kapintasna ket makagteng laeng kadatayo iti apaglabas, dayta ti kina-relihiyoso. Iti dayta laeng nga anag a maysaak a napasnek iti relihiyonna a tao.”

Nagtagtaginayon ni Einstein a nangipalpalawag a saan nga ateista daytoy. Kinunana iti maysa a gayyemna, “Adda dagiti tao nga agkuna nga awan Dios, ngem ti pakarurodak ket mangawidda iti naisaritak a kapanunotan a pangsuportada iti saanda a panammati.” “Ti pakaigidiatak kadagiti tattao nga agkuna nga ateistada ket ti panagpakumbaba maipapan kadagiti saan a magteng a palimed ti pannakaurnos ti law-ang, ” impalawagna. “Dagiti panatiko nga ateista, ket kasda laeng adipen a mangrikrikna pay laeng iti dagsen dagiti landok a kawarda nga imbellengda kalpasan ti panagrigatda. Naparsuada nga – gapu iti ilemda maipapan iti tradisyon a relihiyon a kunaenda nga ‘opium ti masa’ – ket dida mangngeg dagiti musika ti nakabuklan”

Kadagiti dadduma a tattao, dagiti milagro ti agserbi a pammaneknek iti kaadda ti Dios. Ken ni Einstein, ti kaawan ti milagro ti mangipakita iti kaadda ti Dios...."

PLEASE LISTEN TO THE PODCAST FOR THE FULL AND COMPLETE EPISODE..