Historical Biographical account about inventor Alexander Graham Bell. It is narrated in the Ilocano language of the Philippines. This is the second of three parts.

EXCERPT:

"...Dua a tawen kalpasan daydi sentenyal, napan ni Alexander idiay Inglatera ket paset daydi a biyahena ti napan nangipakita ken mangipalawag kenni Reyna Victoria idiay taengna nga Osborne House maipapan iti telepono. Naintriga ni Reyna Victoria ta naamirisna a dagus ti nasken a pakaiserbiyan daytoy. Iti dagidi a tawen, madama idi ti sinnupiat ken ginnubat iti nagbaetan ti Rusya ken Turko. Manipud MIL OTSO SIYENTOS SETENTA’Y SIYETE (1877) agingga iti MIL OTSO SIYENTOS SETENTA’Y OTSO (1878). Isu daytoy idi daydi managan a ‘Gubat ti Krimea’ (Crimean War) a napasamak idiay peninsula a Crimea idiay Amianan a paset ti Black Sea idiay Daya a paset ti Yuropa.

Daytoy a sinnupiat ket gapu iti panaglaban ti Imperio nga Ottoman ken ti nagkadua a Rusya ken dagiti nangbukel iti lugar a Balkan. Rimmaman idi ti Britania iti daytoy a gubat gapu iti alikakana nga daytinto panangawid ti Rusya iti pagilian a Romania nga idi ket adda iti turay dagiti Turko, ket saanto nga agpatingga idiay. Pinattapatta idi ti Britania nga amangan ta manipud idiay, kanayonento ti Rusya ti mangawid iti ‘British India’ babaen ti Afghanistan a dalanda. Isu daytoy ti gapu nga immalyansa ti Britania iti Imperio nga Ottoman a pagaammo met iti nagan nga Imprerio a Turko. Adu a telegrama ken sursurat ti sumangsangpet a kas delubyo iti palasyo a nangkidkiddaw iti konsiderasyon ti Reyna. Daydi a kaadu ket nanglapunos iti palasyo.

Kasta unay ti pannakaparaem dagidi opisyal ti reyna iti daydi imbensiyon ni Alexander. Kinabigatan daydi rabii ti demonstrasyonna, dagus a nagsurat ken Alexander ni Major Biddulph (‘Keeper of the Privy Purse’) * a nangibagi iti reyna.

Naisurat a naggapu daydi surat manipud OSBORNE ket naisurat a petsa ti MAIKA DIYES Y SAIS TI ENERO, MIL OTSO SIYENTOS SETENTA’Y OTSO ( “Osborne, Enero 16, 1878)

Daytoy ti linaon ti pormal a surat:

“Patgek a Kabalyero,

“Namnamaek a nalawag iti pannakaammom no kasano ti panagyaman ken panagsiddaaw ti Reyna iti naibanag nga eksibisyon ti telepono ditoy iti rabii ti Lunes.

‘‘Inkalikagum kaniak ti Kinatan-okna nga iyebkasko ti panagyamanna kenka kasta met kadagiti natatakneng a hermanas ken hermanos a naikuyog kenka iti daydi nga okasyon.

“Tarigagayan ti Reyna, no awan makabeddeng a rason, a gatangen dagiti dua nga instrumento nga adda pay laeng ditoy, agraman linya ken dadduma a pasetna. No adda pannakabalinna ket iyanusmo nga ipakaammo kaniak to siasino ti pakaiturongan ti kaitutopanna a gatad.

“Siak, patgek a Kaballero, “Toy sipupudno unay, “Thos. (THOMAS) Biddulph.”

PLEASE LISTEN TO PODCAST TO CONTINUE AND FOR THE FULL PODCAST.