Lig en Lewe Sentrum SERMON PODCAST

Ons almal het al van God gehoor. Of ten minste gehoor mense praat van God. Maar het ons al God gesien? God slaap nie en Hy sluimer nie, sê die Psalm digter. Kan ons God sien? Wil God gesien word? Hierdie is vrae wat ons vra en oor wonder. Sien God my? Om God te sien begin by Geloof en Gehoorsaamheid.

Ons gaan voort met ons reeks oor Fondasies en ons gesels oor die woord wat op almal se lippe is; Eenheid. Sonder eenheid sal ons nie die doel bereik waarvoor ons geroep is nie. Die vraag wat Past Rudi ons vra is, Are you untied, or are you United. Ons het al baie kere gesien hoe mense val wanneer hulel skoenveters los is. Dit werk beter as die skoene vasgemaak is. Net so moet ons "vasgemaak" wees of dan wel in eenheid wees met mekaar. Eenheid is nie 'n voorstel vir die kind van God nie. Dit is 'n opdrag.

Ons sluit ons B2G Campaign af by die pragtige Paarl Amfiteater op Paarlberg. 16 kerke wat op een plek bymekaar kom. Saam God aanbid en saam die woord geniet. Worship leiers van die verskeie betrokke gemeentes wat 2200 mense lei in Praise and Worship. Past Brent Martini is gevra deur die betrokke pastore om die woord te bedien en dit was amazing. Ons is ook dankbaar vir die siele wat tot bekering gekom het. As jy die volle diens wil kyk gaan besoek gerus ons Youtube kanaal: https://youtu.be/G_N2Jl3KEtQ?si=YKO2Wd8tB9tshKVi

Ons is besig met ons B2G reeks saam met ander kerke in die Paarl/Wellington vallei. in hierdie boodskap deel Lee-Ann Jesus se doel met ons as kinders van God en ook as kerk. Liefde. Mag hierdie boodskap jou inpireer om Jesus se Liefde uit te leef in hierdie wêreld wat dit so nodig het.

Ons is besig met ons B2G reeks saam met 16 ander kerke en ons beleef wonderlike tye. In hierdie boodskap deel Past Gerhard Kotze met ons oor die belofte en die Krag van Jesus aan ons en ook aan die kerk. Die Heilige Gees speel is deel van ons lewe en sonder die krag van die Heilige Gees kan ons niks doen nie.

Ons B2G (Better Together) Campaign skop hierdie Sondag af en ons fokus vir die volgende 4 weke is JESUS. In hierdie boodskap praat ons oor Jesus se teenwoordigheid in ons persoonlike lewens en ook Sy teenwoordigheid in ons kerke. www.b2g.co.za

Woorde het krag. Hoeveel te meer wanneer dit die woorde van God is. Leef ons volgens die Woord van God, of die woorde van hierdie wêreld. Jesus is die Woord. Ons fondasie is Jesus. So ons kan vir mekaar sê ons fondasie is die gees vervulde Woord van God. Nie net letters op bladsye nie. Maar die openbaarmaking van wie Jesus is deur die bybel.

Ons gaan voort met ons reeks "Foundations". Lee-Ann bedien vandag die woord en ons hoor hoe ons 'n lewe van aanbidding behoort te handaaf en God aanbid in gees en in waarheid. Worship is deel van hoe ons bou op die fondasie.

Past Rudi gaan voort met die reeks "Foundations". In vandag se boodskap hoor ons dat die beste manier om die Heilige Gees te ervaar is deur 'n "surrendered heart". Ons harte moet weg breek van die sonde en God soek met alles wat ons het. Ons word geroep om ons lewe neer te lê en ons eie kruis op te neem en Jesus te volg. Surrender tot die Heilige Gees. Gee oor, en laat toe dat die Heilige Gees jou lei.

Wie is die Heilige Gees? Kan ek Hom ken? Die krag van die Heilige Gees. Ons almal het al vra gehad of het nogsteeds vrae oor die Heilige Gees. In vandag se boodskap gaan ons probeer verstaan wie die Heilige Gees is en hoe ons met Hom kan leef in 'n verhouding.

Sonde keer ons om ten volle te leef saam met die Heilige Gees. Sonde lei ons na die dood. MAAR, 'n lewe wat gelei word deur die Heilige Gees, is 'n lewe wat gelei word na die Ewige Lewe.

Vryheid kan net deur Jesus verkry word. Wanneer ons op Jesus as fondasie bou, vind ons vryheid van sonde en het ons die geleentheid om in oorwinning te leef.

Ons gaan verder in ons reeks oor Foundations. As kind van God het ons nodig om op die regte fondasie te bou. JESUS CHRISTUS is daardie fondasie. Verlede week het ons gekyk na die fondasie, maar nou is dit belangrik om te weet hoe ons op die fondasie moet bou. Vandag begin ons by die begin. Die vrees vir God. Ons kan nie vorentoe beweeg sonder die vrees van die Here in ons lewe nie. Dit is die begin en daarop kan ons bou. Dit is 'n Heilige vrees wat ons nader trek aan die Here en nie weg jaag nie. Dit is waarop ons lewe gebou word. Dit is die begin van wysheid. Toe Job die vrees van die Here herstel in sy lewe, het God Job se omstandighede ook herstel.

Past Rudi begin met 'n reeks oor die fondasies waarop ons bou. Die lewe kan vir ons baie redes gee hoekom ons op sekere fondasies bou buiten Jesus. Maar die enigste fondasie wat ons gaan bo hou is JESUS CHRISTUS. Paulus sê dat ons moet baie versigtig bou op hierdie fondasie wat geê is, nl. Jesus. Is Jesus jou fondasie?

Faithfulness is wat elke kind van God nodig het. Ons lewe moet gevul wees met Geloof. Maar hierdie geloof moet in God wees. As jy geloof in iets het sal jy faithful wees in dit. Past Anton breek vir ons die gedagte verder oop oor FAITHFULNESS.

Waarin Glo jy? Is God jou God? Dan moet dit ons hartsbegeerte wees om getrou te wees aan God. Getrouheid is ook 'n teken van ons liefde vir God, net soos gehoorsaamheid. God is eerste en bo alles getrou. Hy het vir ons die voorbeeld kom stel. Nou is dit ons beurt om getrou te wees in alles wat ons doen.

Ons leef in 'n jaar waar ons deurbrake sien, ons hoor van deurbrake en van ons staan en bid nog vir deurbrake. Ons het hoop in die Here en dat die Here ons toekoms in Sy hande het. Saam met die hoop het ons die gehoorsaamheid nodig sodat ons oor die brug kan loop tot in ons deurbrake. Gehoorsaamheid is nou baie belangrik.

Hoop kan baie dinge los maak in ons lewens. Hoop vir 'n beter lewe, hoop vir 'n goeie uitslag, hoop dat jou span gaan wen. Hoop bring verwagting en geloof in ons lewe in. Dit bring ons tot 'n punt waar jy verby die onmoontlike kyk en kyk na die wonderwerk. Dit bring ons by 'n plek waar ons perspektief verander en ons bring by 'n plek waar gebed gefokus word op wat God se wil is.

In hierdie boodskap praat Past Morne oor die verloop van TYD. Tyd is iets wat ons nie beheer nie, maar tyd word beheer deur God. Wat in daardie tyd gebeur word bepaal deur ons gehoorsaamheid en ongehoorsaamheid.

Daar is tye wat ons in 'n wag periode is. Dis tye waar ons geloof in God is vir baie gebede. Dit is daardie tyd waar ons aangaan met die lewe terwyl ons wag op God se antwoord in geloof. Wees rustig in jou gemoed. Goed sal deurkom op die regte tyd. Website: https://ligenlewe.com YouTube: https://www.youtube.com/c/LigenLeweSentrumPaarl